مرحبـااا..
قالوا امدح شيخ والا امدح اميـر
...................... لجل تكسب مـن مديحـه فايـده
قلت انا في خير واحوالي بخيـر
...................... ليـه ادوّر شـي مانـي رايـده
ادري ان مال الكبيـر الا الكبيـر
...................... الـرجـال تـقـاد والا قـايـده
اكره اثنين : المنافـق والحقيـر
...................... تستقل طيـب الرجـال الرايـده
ان مدحت امدح وانا وجهي سفير
...................... مدحـتٍ للحـق ماهـي سايـده
وكانها ماجات من قلب وضميـر
...................... مدحتـي ذمـه بحـقـه كـايـده
وش علي ان صاد له طيرٍ يطيـر
...................... لاهـو بطيـري ولانـي صايـده
من خلقن الله احب اكـون غيـر
...................... ما احـب اكـون حاجـه زايـده
الفقر ماعـذرب اخـلاق الفقيـر
...................... في السنيـن الحاضـره والبايـده
في الزمن اشياء تعني لـي كثيـر
...................... التمـام الشمـل حـول المايـده
ومنظر البسمه على الطفل الصغير
...................... فـي نهـار العيـد يـوم تعايـده
قلتها وعذري يصير اللي يصيـر
...................... كـلٍ راسٍ يرتخـي لوسـايـده
انتبـه ويـاي للبيـت الاخـيـر
...................... اسمعـه منـي ولانـي عـايـده
تدري وش معناة رجـالٍ حقيـر
...................... من يصاحب رجل لجـل الفايـده
للشاعر : ثامر شبيب الدقباسي